أنواع الدفع الكلي ببساطة

بعد المنشور الطويل تاع البارح و اللي كان اعقد من العادة قررنا نديرو جزء ثاني ابسط و مباشر اكثر يلخصو..
و الخلاصة كاملة فالمبدأ.. ماشي “تورسن vs هالدكس”، المبدأ هو “ميكانيكي دائم vs إلكتروني عند الطلب”.

النوع الأول: الدفع الكلي الدائم (Permanent AWD):

الأساس: ديفرنشيل وسطي ميكانيكي (تروس).
وين يجي؟ في السيارات بمحرك طولي.

الأنواع:

نوع Torsen (تستعملو أودي في الموديلات الكبيرة).
نوع Planetary Gear (تستعملو مرسيدس في C/E/S-Class، وبي ام دبليو في xDrive القديم..).
نوع Viscous Coupling (كان في سوبارو القديم).

الخلاصة هنا: كلهم ميكانيكيين ودائمين.

النوع الثاني: الدفع الكلي عند الطلب (On-Demand AWD):

الأساس: قابض (Clutch Pack) يربط المحور الثاني.
وين يجي؟ في السيارات بمحرك عرضي (وبعض الطولية الحديثة).

الأنواع:

نوع Haldex (تستعملو VW, Audi A3, Volvo..).
نوع 4Matic العرضي (مرسيدس A-Class).
نوع Active Torque Split (مازدا، وتويوتا راف4).

الخلاصة هنا: كلهم يعتمدو على “وصل” المحور الثاني إلكترونياً/هيدروليكياً.
وهنا تلاحظ وجود الشركات بأنظمتها في كلى النوعين يعني ماتقدرش تقول الـQuattro كلي دائم

تسما ضرك كيفاش تعرف ؟..

الخلاصة:

محرك طولي = نظام دائم (ميكانيكي في الغالب).
محرك عرضي = نظام عند الطلب (إلكتروني/قابض).
هادي هي القاعدة اللي تمشي على 90% من السيارات والله اعلم

شكرا لك كي وصلت لهذا السطر

<< السابقالتالي >>