رانا غير نزيدو فالسرعة و اللي فتناه يسمحلنا هههه
لأنو بعد الـ 50 والـ 100، جا الوقت باش نعرفو شكون هي أول سيارة إنتاجية فالتاريخ اللي قدرت تتجاوز الـ 150 كم/سا! فيتاس كبير حتى على بعض السيارات اللي نعرفوها اليوم
شكون هي يا ترى؟
واحدة من أفخم وأقوى سيارات في وقتها اللي هي Hispano-Suiza H6 !! أسطورة عصرها، و تحفة فنية وهندسية بكل معنى الكلمة.
نعم يا جماعة، هاد السيارة الفاخرة، اللي كانت رمز للثراء والقوة بعد الحـ.. العـ.. الأولى، هي اللي تأكد تاريخياً بأنها كانت الأولى من نوعها (إنتاجية) اللي عندها القدرة تتخطى سرعة الـ 150 كم/سا. هذا الإنجاز تحقق في بداية العشرينات، حوالي عام 1920. تخيل روحك ماشي بـ 150 في هـذاك الوقت!
هاد الأداء الخارق كان سببه محرك استثنائي، مستوحى مباشرة من تكنولوجيا محركات الطيارات! كان عندها موتور بستة سلندر من الألمنيوم (Inline-6) على خط واحد (حاجة متطورة جداً وقتها)، بسعة محترمة تاع 6.6 لتر! وكان يخدم بتقنية عمود الكامات العلوي (Overhead Camshaft – OHC) ويخرج قوة حوالي 135 حصان (HP)، وعزم (Torque) تاعو كان قوي بزاف، يعطيها قوة سحب ممتازة. تكنولوجيا سبقت وقتها بسنوات!
هاذ السيارة ماكانتش خفيفة، الوزن تاعها كان يختلف على حساب الهيكل الخارجي اللي يركبوه الزبائن (كانت تتباع شاسي وموتور)، بصح عموماً كانت في حدود 1800-2000 كغ. وبهذاك المحرك المتطور، السرعة القصوى الحقيقية تاعها كانت قادرة تلحق وتفوت بسهولة 150 كم/سا، ممكن توصل حتى لـ 155 أو 160 كم/سا في ظروف معينة! أداء مذهل لسيارة فاخرة.
ماكانتش مجرد سرعة وقوة. كانت رمز للفخامة المطلقة والجودة العالية. صممها العبقري السويسري Marc Birkigt والأهم من هاد الشي كامل، كانت أول سيارة فالعالم تجي بنظام فرامل مدعوم على العجلات الأربعة! هادي كانت ثورة في مجال الأمان، لدرجة أن شركات كبار كيما رولز-رويس خداو الترخيص باش يستعملو نفس النظام! كانت السيارة المفضلة للملوك والأثرياء والمشاهير.
واش رايكم يا جماعة فهاد التحفة الفنية والهندسية؟
مع العلم الشركة أصولها إسبانية وسويسرية والتصنيع كان أساسا في فرنسا، نحكولكم عليها ؟
وشكون كان سامع بهاد السيارة الأسطورية Hispano-Suiza H6؟
و وشنو الحاجة اللي عجباتك فيها أكثر؟ المحرك اللي جاي من الطيارات؟ السرعة تاع 150؟ ولا التكنولوجيا تاع الفرامل اللي سبقت وقتها؟
المرة الجاية نحكيو على اللي فاتت حاجز الـ 200 كم/سا!! شكون عارفها يقوللنا فالتعليقات
و اذا وصلت لهذا السطر شكرا لك
