فرديناند بورشه هو واحد من أعظم المهندسين في تاريخ صناعة السيارات. فرديناند تولد في 3 سبتمبر 1875 في النمسا، ومن الصغر كان عندو اهتمام كبير بالميكانيك والكهرباء. في الوقت اللي الناس كانت مازالها تتعلم على السيارات، فرديناند كان يخدم في مشاريع تكنولوجية معقدة.
في البداية، فرديناند بورشه كان يخدم كمهندس مع شركات كبيرة كيما Lohner و Daimler-Benz (اللي هي مرسيدس بنز اليوم). في عام 1900، صمم فرديناند بورشه أول سيارة كهربائية-هجينة في العالم، كانت Lohner-Porsche Mixte Hybrid، مشروع سبق وقته بزاف.
من بعد، في عشرينيات القرن الماضي، خدم فرديناند في شركة Daimler، وكان جزء من فرق التصميم. لكن كان عندو طموح كبير، وماكانش يحب يبقى تحت إدارة ناس آخرين.
تأسيس بورشه كمكتب التصميم الخاص:
في عام 1931، فرديناند قرر يفتح مكتب تاع التصميم والهندسة الخاص به في مدينة شتوتغارت، ألمانيا. هذا المكتب كان يركز على تقديم حلول هندسية للشركات الكبرى، وكان يخدم على مشاريع كيما تطوير المحركات والهياكل.
فولكسفاغن بيتل (الخنفساء):
ما لا يعرفه البعض هو انو في الثلاثينيات، الحكومة الألمانية طلبت من فرديناند يصمم سيارة تكون رخيصة وسهلة الاستعمال للشعب. النتيجة كانت فولكسفاغن بيتل، اللي ولات واحدة من أنجح السيارات في عالم السيارات.
بعد البيتل تأتي بورشه 64:
بورشه 64، اللي يطلق عليها أحيانا VW Aerocoupe أو Type 64، تعتبر واحدة من أقدم وأهم السيارات في تاريخ بورشه. تم تطويرها في عام 1939 على يد فرديناند بورشه وفريقه.
بورشه 64 كانت مبنية على قاعدة سيارة فولكسفاغن بيتل، لكنها كانت مصممة لتكون أسرع وأخف. تم صنع 3 وحدات فقط من هذه السيارة، وكانت مخصصة للمشاركة في سباق بين برلين وروما، لكن الحـ.. العـ.. الثانية منعتها من المشاركة.
هذه السيارة تعتبر نقطة مهمة في تاريخ بورشه لأنها جسدت الرؤية الرياضية لفرديناند بورشه، وكانت الخطوة الأولى نحو تطوير السيارات الرياضية اللي بورشه معروفة بها اليوم.
ثم أول سيارة لشركة بورشه:
رغم النجاح مع فولكسفاغن، فرديناند كان ديما يحلم يصمم سيارة رياضية خاصة به. وفي 1948، خرجت بورشه 356، اللي كانت أول سيارة انتاجية رسميا تحمل اسم بورشه. هذه السيارة كانت بداية الحلم تاع فرديناند بورشه، وهي اللي رسخت اسم بورشه في عالم السيارات الرياضية و تعتبر حجر الاساس.
الوفاة والإرث:
فرديناند بورشه توفى في عام 1951، لكن الإرث تاعو عاش من بعدو. الشركة اللي بدات كشركة صغيرة تاع تصميم وهندسة، ولات واحدة من أكبر الأسماء في عالم السيارات الرياضية الفخمة. ولا عندها تأثير كبير في العالم، بفضل الرؤية تاع فرديناند الشغوف اللي كان يحب السرعة والدقة والجودة.
