البارح سألنا واش الفايدة من تعديلات برابوس إذا كانت بورش ديجا فالقمة؟
الجواب كاين في طريقة التفكير تاع برابوس… الشركة هادي ما تخربش في أي سيارة، هي تخدم غير مع القمة تاع القمة: بورش 911، مرسيدس AMG، و G-Class و غيرها.. هاد السيارات أصلاً مخدومين باش يكونو هوما اللوالا
بصح عند برابوس، القمة ماشي هي النهاية، هي برك نقطة البداية. على هادي، هي ما تكتفيش بزيادة القوة برك، بل تعاود تدرس كل قطعة في السيارة: المحرك، نظام الدفع، التعليق، العجلات والمطاط، الديناميكية الهوائية، وحتى المقصورة لداخل. علاش؟ لأنو أي محاولة باش تتجاوز الحواجز اللي حكينا عليها فالمنشورات السابقة تتطلب تحسين كل الجوانب مع بعض، ماشي جانب واحد برك
والنتيجة في الأخير؟ ماشي مجرد سيارة أسرع وخلاص، بل تجربة نادرة أكثر، فريدة من نوعها أكثر، وقادرة تخطف الأنظار أكثر… حتى لو كانت واقفة وسط نخبة السيارات العالمية
باختصار، الفلسفة تاع برابوس هي: كيفاش تتفوق على التفوق، و تتميز على التميز
اذا وصلت لهذا السطر شكرا لك
