إذا كنت من عشاق سيارات نيسان الرياضية، أو إذا كنت تبع عالم السباقات وتعديل السيارات، أكيد سمعت بهذا الاسم اللي عندو هيبة خاصة: نيسمو (Nismo). هاد الحروف ماشي مجرد علامة، هي رمز للقوة، الأداء، والروح الحقيقية لرياضة السيارات عند نيسان.
“نيسمو” هي اختصار لـ “Nissan Motorsport International”، يعني “نيسان العالمية لرياضة السيارات”. هذا هو قسم الأداء العالي والذراع الرياضية الرسمية لشركة نيسان. تأسس رسمياً في عام 1984، والهدف كان واضح: توحيد كل أنشطة نيسان في عالم السباقات اللي كانت متفرقة من قبل تحت مظلة وحدة رسمية واحترافية. الهدف ماكانش برك المشاركة في السباقات، بل أخذ الدروس والخبرات من الحلبات وتطبيقها على سيارات الطريق.
على مر السنين، نيسمو دارت اسم كبير في مختلف أنواع السباقات. من سباقات التحمل كيما “لومان 24 ساعة” و “سبا 24 ساعة”، إلى بطولة “سوبر جي تي” اليابانية (Super GT) اللي سيطرت عليها لسنوات طويلة بسيارات أيقونية كيما سكايلاين GT-R و فيرليدي Z المعدلة للسباق. كل فوز وكل تحدي كان يزيد من خبرة مهندسي نيسمو.
بصح الخدمة تاع نيسمو ما حبستش في الحلبات برك. الجزء الأهم بالنسبة لينا كعشاق للسيارات هو كيفاش نيسمو جابت هاد الروح الرياضية لسيارات الإنتاج العادية. دارت هذا الشي على طريقتين:
قطع الأداء (Nismo Performance Parts): نيسمو ولات توفر كتالوج كامل من قطع الغيار الرياضية اللي تقدر تركبها على سيارتك نيسان. من جنوط خفيفة، أنظمة تعليق رياضية، أنظمة عادم تعطي صوت وأداء أحسن، حتى لتعديلات على شكل السيارة الخارجي (Body Kits). هاد القطع تخليك تزيد لمسة نيسمو الخاصة على سيارتك.
سيارات نيسمو الكاملة: هادي هي قمة الهرم. نيسمو تاخذ سيارة نيسان عادية (كيما 370Z أو GT-R اذا كانت تعتبر عادية من الاساس هههه) وديرلها تعديلات شاملة ومدروسة في المصنع. هاد التعديلات تمس كل شي: زيادة طفيفة في قوة المحرك، تحسين استجابة علبة السرعات، نظام تعليق أقسى وأكثر دقة، مكابح أكبر، هيكل مقوى، ولمسات داخلية وخارجية باللون الأحمر والأسود المميز لنيسمو. النتيجة هي سيارة إنتاجية عندها روح وأداء سيارة سباق. أشهر الأمثلة هي نيسان 370Z نيسمو و الوحش نيسان GT-R نيسمو اللي تعتبر من أسرع السيارات في العالم على الحلبات.
نيسمو هي الجسر اللي يربط بين عالم السباقات القاسي وبين الطريق اللي نمشيو فيه كل يوم. هي الدليل بلي الشغف بالأداء والسرعة مازال يجري في عروق شركة نيسان.
اذا وصلت لهذا السطر شكرا لك
