ايا جماعة الخير، نزيدو نطلعو في مستوى السرعة بعدما شفنا البارح شكون اللي فاتت الـ 50كلم/سا، جا وقت نتعرفو على أول سيارة إنتاجية في تاريخ السيارات اللي قدرت تتجاوز حاجز الـ 100 كم/سا
العملاقة الألمانية Mercedes Simplex 60 HP و السيارة هاذي أيقونة حقيقية في وقتها
نعم يا جماعة هاد السيارة المرموقة هي اللي تأكد رسمياً أنها الأولى اللي تخطات سرعة الـ 100 كم/سا، وهذا كان في عام 1903. في هذاك الوقت، كانت هادى سرعة كبيرة بزاف
السرعة هادی جات من محرك كان يعتبر قوى جداً في زمانو كان عندها موتور بـ 4 سلندر خطي بسعة كبيرة توصل لـ 9.2 لتر هذا المحرك كان قادر ينتج قوة 60 حصان و العزم تاعو كان يساعدها بزاف باش توصل لهاذ الأداء
هاذ السيارة ماشي خفيفة، توزن حوالي الـ1250 كغ. لكن بهذاك المحرك القوي السرعة القصوى الحقيقية تاعها قدرت تلحق حتى لـ 110 أو 120 كم/سا حسب الظروف و هذا أداء مبهر بالنسبة لعام 1903
القيمة تاع السيارة هاذي ماكانتش غير في السرعة كانت تعتبر سيارة متطورة وموثوقة مقارنة بمثيلاتها وقتها. صممها المهندس المعروف Wilhelm Maybach واسمها كان يشير إلى أنها أبسط في القيادة والاستعمال مقارنة بالسيارات اللي قبلها. وزادت رسخت التصميم تاع المحرك الأمامي والدفع الخلفي كمعيار أساسي. كانت سيارة ناجحة جداً واستعملها الكثيرون وحتى في بعض المنافسات
واش رايكم يا جماعة فهاد الأيقونة الألمانية من عام 1903؟
شكون كان يعرف بلي مرسيدس هي اللي سجلت هذا الإنجاز ؟
وشنو الحاجة اللي أثارت اهتمامكم أكثر ؟ المحرك الكبير تاع 9.2 لتر؟ ولا قدرتها على تجاوز 100 كم / سا في عام 1903؟
المرة الجاية نحكيو على اللي فاتت الـ 150 كم/سا. شكون يعرفها ؟
اذا وصلت لهذا السطر شكرا لك
